Ní Briathra a Dhearbhaíonn Ach Gníomh

Ní Briathra a Dhearbhaíonn Ach Gníomh

Go dtí seo bhíomar ag úsáid go leor gníomhartha chun a lán rudaí difriúla a dhéanamh, ó téacs a léamh go cruthanna a tharraingt.

Tháinig gach gníomh a bhaineamar úsáid as go dtí seo le Setanta, ach is féidir linn ár gníomhartha féin a chruthú!

Ráitis “gníomh”

Chun ár ngníomhartha féin a chruthú, is féidir linn úsáid a bhaint as an eochairfhocail gníomh. Bainimid úsáid as an ráiteas sin chun ainm ár ngníomh, an liosta argóintí agus an iompraíocht a shainmhíniú.

Scríobhaimid ráiteas gníomh mar seo:

gníomh <ainm> (<liosta argóintí>) {
    >-- Cód le dhéanamh anseo
}

Cruthaíonn ráiteas gníomh gníomh dúinn leis an ainm a phiocamar. Nuair a ghlaonn tú ar an gníomh le roinnt argóintí, cuirtear na argóintí in athróga leis na hainmneacha a roghnaíomar. Ansin ritear an cód idir na lúibíní slabhracha ({ agus }). Tugtar corp an gnímh ar an cód seo.

Anois féachfaimid ar sampla beag. Cruthaímis gníomh abair_dia_duit, ní ghlacfaidh abair_dia_duit le aon argóintí, agus nuair a ghlaonn tú air scríobhfaidh sé “Dia duit” ar an gconsól.

gníomh abair_dia_duit() {
    scríobh("Dia duit")
}

Mar is féidir leat a fheiceáil, chuireamar “abair_dia_duit” isteach mar ainm, ní chuirimid aon argóintí isteach agus is é scríobh("Dia duit") corp an gnímh.

Is féidir linn glaoch ar an gníomh le abair_dia_duit(). Bain triail as anois!

Nuair a ritheann tú an ríomhchlár sin, tá súil agam go feicfidh tú “Dia duit” ar an gconsól.

Argóintí

Conas is féidir linn gníomh a chruthú a ghlacann lé argóintí? Chun é sin a dhéanamh, ba chóir dúinn ainmneacha a roghnú do na hathróga. Nuair a glaoimid ar an gníomh le roinnt argóintí, cuirtear luachanna na n-argóintí in athróga leis na hainmneacha a roghnaíomar agus is féidir linn na hathróga sin a úsáid i gcorp an gnímh.

Beidh sé níos soiléire le sampla, mar sin cruthaímis gníomh anois chun ciorcal a tharraingt i lár an stáitse. Ar dtús, cruthaímis gníomh a tharraingíonn ciorcal gorm le ga 100, agus níos déanaí athróimid an gníomh chun argóintí a ghlacadh don ga agus dath an ciorcail.

Seo é an gníomh simplí:

gníomh ciorcal_i_lár() {
    >-- Athraigh an dath go gorm.
    dath@stáitse("gorm")

    >-- Faigh an lárphointe
    lar_x := fad_x@stáitse / 2
    lar_y := fad_y@stáitse / 2

    >-- Tarraing an ciorcal le ga 100
    ciorcal@stáitse(lar_x, lar_y, 100)
}

Bain triail as:

Anois, ba mhaith linn ga difriúil a úsáid. Chun é sin a dhéanamh cuirfimid argóint leis an gníomh, tugaimid ga ar an argóint sin. Chun an argóint a cuir leis an gníomh, scríobh ga idir na lúibíní mar seo: gníomh ciorcal_i_lár(ga) {:

gníomh ciorcal_i_lár(ga) {
    >-- Athraigh an dath go gorm.
    dath@stáitse("gorm")

    >-- Faigh an lárphointe
    lar_x := fad_x@stáitse / 2
    lar_y := fad_y@stáitse / 2

    >-- Tarraing an ciorcal le ga 100
    ciorcal@stáitse(lar_x, lar_y, 100)
}

Anois is féidir linn an athróg ga a úsáid in ionad an luach 100:

gníomh ciorcal_i_lár(ga) {
    >-- Athraigh an dath go gorm.
    dath@stáitse("gorm")

    >-- Faigh an lárphointe
    lar_x := fad_x@stáitse / 2
    lar_y := fad_y@stáitse / 2

    >-- Tarraing an ciorcal le ga "ga"
    ciorcal@stáitse(lar_x, lar_y, ga)
}

Nuair a glaoitear ar an gníomh anois, caithfear argóint a thabhairt dó. Mar shampla: ciorcal_i_lár(100).

Anois is é seo ár ríomhchlár: Bain triail as!

Athraigh an argóint 100 sa líne deireanach go luachanna difriúla agus bain triail astu. Ba chóir duit a fheiceáil go athraíonn méid an chiorcail.

Is féidir linn an gníomh a úsáid arís agus arís, sa ríomhchlár a leanas bainfimid úsáid as chun trí chiorcal a tharraingt le méideanna 100, 200 agus 300.

Ach cad a dhéanfaimid más maith linn an dath a hathrú freisin? Is féidir linn athróg eile a cuir leis an gníomh, is gá dúinn ainm nua a phiocadh don argóint agus é a cur idir na lúibíní tar éis an argóint ga le camóg idir na hainmneacha, ansin is féidir linn é a úsáid in ionad an dath “gorm”. Piocaimis an ainm dath; Seo é ár gcód nua:

gníomh ciorcal_i_lár(ga, dath) {
    >-- Athraigh an dath go gorm.
    dath@stáitse(dath)

    >-- Faigh an lárphointe
    lar_x := fad_x@stáitse / 2
    lar_y := fad_y@stáitse / 2

    >-- Tarraing an ciorcal le ga "ga"
    ciorcal@stáitse(lar_x, lar_y, ga)
}

Anois nuair a glaoimid ar ciorcal_i_lár, caithfimid an ga agus an dath a cuir isteach mar argóintí. Athraímis an ríomhchlár a scríobhamar cheana chun ciorcal dearg agus glas a tharraingt.

Torthaí

Anois féachaimid ar conas gníomh a chruthú le toradh. Le haghaidh é sin a dhéanamh bainfimid úsáid as an eochairfhocail toradh chun ráiteas toraidh a dhéanamh mar seo:

toradh <slonn>

Mar shampla: toradh 1 nó toradh "dia " + "duit".

Nuair a ritear ráiteas toraidh i gcorp gnímh éigin, ríomhfaidh Setanta luach an sloinn agus stopfaidh Setanta láithreach. Scoirfidh sé ón ghníomh agus tabharfaidh sé an luach ar ais.

gníomh tabhair_1() {
    toradh 1
}